炊公館 – 海景多國菜

要數今年出色的新餐館，不得不提位於iSquare 29樓、與阿一海景飯店屬同一集團的炊公館，前身為意大利餐廳，今年轉型走多國菜風格。特點係一次過可嚐盡中、西、日菜色，配以優美的海景，侍者欣勤的服務，最重要係價錢實惠。這天雖然正值3號風球，天色昏暗，窗外景色稍遜，但試以另一種心態，對比街外狼狽不堪的途人，自己能舒適地安坐窗旁，享用午市超值的龍蝦鮑魚套餐，實在感恩。

店子裝修簡潔，兩邊長長落地玻璃窗，環境十分舒適寧靜。雖然這裡的裝修屬西式，但可享用隔離阿一海景飯店的中式食品，不會收茶位費。

3號風球下的維港海景，景色有另一番味道。

午市龍蝦鮑魚套餐，一共八道菜，每位$255。

第一道‧ 五香素鵝併蜜汁叉燒 – 素鵝的煙燻味濃烈撲鼻，表皮乾身而入面的菇粒濕潤；叉燒肉質雖不夠鬆化，肉味新鮮蜜味適中，燒烤亦具水準。

第二道‧ XO醬煙三文魚 – 三文魚捲起，上面綴以XO醬，狀如花朵般。

第三道‧ 龍蝦珍珠腸份 –  龍蝦三寶之一，齋腸份上面鋪上龍蝦肉及蝦籽。設計的概念雖好，可惜整體味道遜色，龍蝦肉不在腸份內以致味道未能混和，汁的份量亦過多以致水汪汪。

第四道‧ 水晶龍蝦餃 – 龍蝦三寶之二，皮如其名，夠薄半透，龍蝦餡料夠豪華。吃到龍蝦殼碎，未能完美。

第五道‧ 龍蝦燴魚翅 – 龍蝦三寶之三。

「阿一」系最擅長鮑參翅肚，這道燴魚翅自然出色，濃厚的上湯味道，魚翅份量又足，再加入龍蝦肉及龍蝦膏，令這個套餐生色不少。

第六道‧ 碧綠柚子皮扣鵝掌 – 「阿一」系另一耍家的扣鵝掌，每次吃總不會令人失望，鵝掌大隻入味夠腍，柚子皮入口即溶無渣，絕不可放過美味的醬汁，以碧綠的西蘭花點汁同吃。

第七道‧ 金菇銀芽鮮鮑片生麵 – 以鮑魚殼盛載，鮑片鮮味煙韌易嚼，每一條生麵都掛上鮮味的鮑汁，再拌以金菇、芽菜同吃，麵條的口感更為爽彈，這道麵食的賣相一流又非常好吃。

鮑魚殼好大

第八道‧ 人參烏龍茶配蛋糕 –  餐後以功夫茶的形式喝一口茶，可解滯膩。

甜品係朱古力蛋糕

評分：5¶為滿分

食物：¶¶¶1/2

環境：¶¶¶¶1/2
裝修：¶¶¶

服務：¶¶¶1/2

店名：炊公館
地址：尖沙咀彌敦道63號國際廣場29樓2901號舖
電話：2328 9123

消費：$200/位 (午市)