友人生日，事前徵詢想吃西餐，另外慶祝生日亦希望有一處環境具情調的餐廳。記得早排留意飲食廣告，介紹尖沙咀區不久前開了一服務式酒店珀薈酒店，其頂層連天台開設了西餐廳及酒吧Uptop Bistro and Bar，晚餐人均消費$500以下。
本想試試店方推介5道菜的晚餐，只須$398，但有生日蛋糕怕太飽肚，故只散點菜式5人分享，連2支餐酒，埋單只須$2,400，抵吃。整體食物用心製作，擺碟精緻。環境一流，附設窗邊海景。侍者服務細心，殷勤有禮。
總的來說，以五星級酒店西餐人均消費必過千元，就算市區一般港式西餐每人大約$400作比較，這酒店西餐廳的性價比確實高。
Uptop Bistro and Bar位於尖東珀薈酒店頂層，兩邊落地玻璃，近可望到尖東一帶的夜境，遠眺維港海景，景觀一流。除了唯一的小缺點：地方細，只有大約20多個座位，建議預先訂位。
等待朋友期間四週逛逛，餐廳正門外沿樓梯上為天台酒吧。
景觀開揚，梳化位亦舒適。若大家在附近餐廳晚飯後，亦可步行過來喝一杯呢。
回到餐廳，侍者奉上檸檬礦泉水(好像要收費的)。
散點餐牌，款式不多，前菜、湯、拌碟、主菜、甜品各有幾款選擇，價錢最貴的澳洲M5和牛只賣$308。
點菜後，吃西餐必先送來麵包籃，應該叫麵包袋，以印有餐廳名字的布袋盛載麵包。麵包有三款，最緊要夠熱，質素令人有些驚喜。
Tomato Garden ($108) – 有機又新鮮的紅黃蕃茄拌水牛芝士，再加些香草，清新開胃。
Scallop Crudo ($128) – 另一前菜北海道帶子刺身，上鋪芒果醬、柚子蓉及三文魚子，顏色鮮艷奪目。
Uptop Chicken ($258) – 一間餐廳敢以自己的名字作菜式名字，想必是招牌菜。卷狀的雞肉嫩滑，皮煎得金黃。椰菜花及醬汁的拌碟亦非常精美。
North Pacific Black Cod ($288) – 擺盤精緻，鱈魚魚柳香煎，皮脆肉滑，拌碟的煙肉粒提升咸香，另有些核桃粒及青瓜。
New Zealand Lamb Rack ($288) – 烤羊架拌迷迭香燒汁，肉嫩帶少許羊羶味卻不臊，鋪上炸碎蒜更添香口，墊底的粟米蓉可減輕羊肉的膩。
Australia M5 Wagyu Sirloin ($308) – 餐牌最貴的一道主菜，澳洲M5和牛西冷。
柯打五成熟，肉色嫣紅，肉嫩有牛味。
Small Potatoes ($58) – 炸粗薯條，香口有薯味。
Saute Mushroom ($58) – 以蒜及香草炒香各種菇菌。
Chef's Selection Pasta – 意粉係廚師當天精選，每日不同，故餐牌沒有標價。當晚吃到的係白汁煙肉意粉，麵條煙靭有口感，白汁的味道亦洽到好處。
當晚開了兩枝酒，大約二百幾三百蚊支，好過自己帶酒來要收開瓶費。
另一枝酒點了香檳。
最後，以帝苑酒店外帶的拿破崙蛋糕作甜品。餐廳免了切餅費，經理亦非常貼心，自動點起蠟燭送上，給壽星女帶來驚喜。
評分：5¶為滿分
食物：¶¶¶
環境：¶¶¶1/2
裝修：¶¶1/2
服務：¶¶¶¶
店名：Uptop Bistro and Bar
地址：尖沙咀漆咸道南117號珀薈酒店19樓
電話：2177 3526
消費：$500/位 (晚市)
