千家客 - 老功夫雲吞麵

雲吞麵作為最有代表性的廣東粉麵，但要吃到一碗雲吞、麵條、湯底三者都出色的郤不易，某日行經佐敦上海街，發現一間新店千家客。之前從飲食雜誌得知，店子的老板同師傅同為一人，往日在旺角開了麵店多年。這次重出缸湖，由包雲吞水餃、淥麵、炆豬手牛腩、煲粥等都係師傅一人包辦。

店子只擺放幾張木枱，地方衛生企理。牆上的「三毫子雲吞麵」係勉懷幾十年前的老香港味道。

雲吞麵 ($32) - 端上枱時已聞到湯的香氣，賣相不錯。大地魚湯清甜，銀絲麵條幼彈，雲吞料靚。原來湯底用了原條大地魚乾磨粉再加羅漢果，麵條自家工場打製，雲吞用料足又新鮮、包的功夫紮實。最重要係師傅煮淥的功夫到家，麵不會過腍、雲吞不似其他食店返淥。

淨水餃 ($40) - 一碗5隻，比雲吞貴許多，但當你嚐過後，你會覺得食到久違了的水餃味道。

水餃餡料豐富，蝦鮮爽，用貴價的日本花菇，荀同木耳絲切得幼細工整。一碗靓水餃絕不簡單，好味又清新！

老師傅果然老功夫，好吃得最後連一滴湯都不剩，好像吃日本拉麵般對師傅的尊敬。

評分：5¶為滿分

食物：¶¶¶1/2

環境：¶¶

服務：¶¶

店名：千家客
地址：佐敦上海街164號

電話：2736 6912

消費：$40/位