無敵的海景，寬敞的空間，特高的樓底，舒適的梳化。享用英式下午茶，食物故然要有一定的水準，其實環境更為重要。
在我堅持下，經理亦容許2人佔用窗邊兼4人座位。
這裡有洲際香檳下午茶、洲際下午茶及中式下午茶3款，是次選擇了洲際下午茶。
英式下午茶必備的三層鋼架(頂層係果醬、中層係甜點、底層係咸點)，再加一籃鬆餅，以及兩客飲品。整體來說，用料靚的原故，不論食物及飲品都屬高水準，而甜點則特別出色，始終酒店餅房由外藉餅廚主理。
西茶係著名的法國茶舍Mariage Frères品牌，茶壺係法國LE CREUSET的出品。茶選了大吉嶺，香氣馥鬱芬芳，味道先甘後甜，果然有「茶中香檳」之稱。濃郁的茶縱使添了好幾次水也沒有影響茶味。
另一壺的Fuji Yama，顏色清澈，味道清幽，近似日本的綠茶，解膩的佳品。
鬆餅(1)係原味，餅身熱烘烘(放涼的鬆餅不好吃)，厲害之處是外層焦脆但裡面卻軟綿鬆化。
鬆餅(2)都係牛油原味，表面灑上一粒粒的糖霜。
鬆餅(3)係提子味，餅裡加入了提子粒。
搽Scones的Jam一共有三款：(左)Earl Grey Jelly，啫喱滲出淡淡伯爵茶的味道。 (中)Clotted Cream不太甜，牛油味重，幼滑到順喉。 (右)Strawberry Jam香甜，滿是草莓果肉。
咸點(1)咸牛肉漢堡
咸點(2)芝士蕃茄包
咸點(3)蝦肉漢堡
咸點(4)煙燻三文魚漢堡
咸點每款二件，甜點雖然每款得一件，但每件精緻度會令人不捨得吃。
甜點(1)擰檬撻，撻底脆，蛋白霜以花作外型，用火槍輕燒，挺身但超軟滑，蛋白霜的甜度剛好中和擰檬撻的酸味。
甜點(2)杏仁餅，造型似一粒星球，白色的光環係白朱古力，綠色餅皮的口感有如Macaron般。
咬開餅，裡面係味道極濃烈的杏仁醬。
甜點(3)牛奶朱古力餅，曲奇餅底有些橙肉，上面係牛奶朱古力Cream，兩邊各有一塊朱古力片。
甜點(4)白朱古力餅，外殼係白朱古力灑上紅莓糖霜，上面的白朱古力做成花朵以作裝飾。
何謂精美的甜品，這個白朱古力餅正好是個示範作。
甜點(5)黑朱古力餅，脆皮果仁朱古力的表面以金箔作點綴，內餡是軟心朱古力醬，黑朱古力的濃度超高。
最後還送上以火龍果、芒果、荔枝，再加上椰絲等混合而成的雜果杯。
由於將吃剩的鬆餅打包，多口問侍者可否給予少許果醬，沒想到俾兩小樽全新未開封的法國Bonne Maman果醬。就算有高要求的食客，對洲際的食物同服務，還有什麼地方可挑剔。
慢……吃完整set下午茶，已經是黃昏的時候了。
由下午2:30一直坐到差不多晚上7:00，侍者都不會趕客離開。
評分：5¶為滿分
食物：¶¶¶¶1/2
環境：¶¶¶¶¶
裝修：¶¶¶¶
裝修：¶¶¶¶
服務：¶¶¶¶¶
店名：大堂酒廊
地址：尖沙咀梳士巴利道18號香港洲際酒店大堂
地址：尖沙咀梳士巴利道18號香港洲際酒店大堂
電話：2313 2323
消費：$230/位
