八斗砂鍋粥茶餐廳 - 茶餐廳歎靚海鮮

係元朗雞地有一間開業年多的茶餐廳，名叫八斗砂鍋粥茶餐廳。咩話？茶餐廳有啥特別？無名‧食客起初都有此疑問，但發現茶餐廳都有海鮮供應，決定一試。
此店的潮州砂鍋粥，只用新鮮材料製作，不加任何添加劑。店方每日從流浮山新鮮運到海鮮。烹調方法則跟足潮式生滾粥做法，調味沒下味精。

首先柯打了一個三人海鮮套餐($368)。薑蔥炒肉蟹 - 足12兩，勁大隻蟹鉗，肉質好結實。

金銀蒜粉絲蒸元貝(套餐) - 好大隻好鮮味

白灼海蝦(套餐) 

楊州炒飯(套餐) 

清炒時蔬(套餐)

另外再散叫八斗砂鍋粥($260)，叫法同車仔麵一樣，粥底跟人數再自選喜歡的配料，是次粥底四位($40)並選了膏蟹一隻($180)及基圍蝦四兩($40)。

由於即叫即煲，用砂鍋生米明火煲成粥，大概等30分鐘。上桌時砂鍋放入藤籃中，隔熱之餘，十分美觀。

潮州式的粥底，份量好多，每人可分到3碗滿，非常飽肚。粥吾黏底，啖啖都充滿蟹膏及及蝦的鮮味。

另外叫海鮮套餐可以半價叫一個小炒。冰鎮咕嚕肉 - 賣相一流，同外邊大排檔的咕嚕肉不同，呢度的煮法少油，入口唔會太漏。

免費飯後甜品，桂花糕(左)及布甸(右)

評分：5¶為滿分
食物：¶¶1/2
環境：¶¶
服務：¶¶

店名：八斗砂鍋粥茶餐廳

地址：元朗鳳琴街22號金龍樓地舖16號

電話：2442 9001

消費：$70(小炒)-$150(海鮮)/位 (晚市)